繼續同史友們介紹世界各地嘅最新考古發現，《死者之書》一直都被視為係埃及古老文化流傳幾千年嘅一個研究題材，但關於呢本《死者之書》近百年嚟就幾乎冇見過有完整內容嘅文物，但近日終於都有一項重大嘅發現可以改變呢點！
《死者之書》係公元前1550年至50年嘅古埃及墓葬文書，書中內容就係教導死者前往陰間途中，如何保護自己避免路上受到妖魔危害，而且內容仲有教埋點樣應對神明嘅審判，真係相當全面。《死者之書》最初就只係畀法長專用，後來先至傳播到民間，但由於生平段落嘅部分每個人都係唔同，所以每本《死者之書》都係獨一無二。
近日考古團隊就喺埃及境內嘅一個古代大型墓地薩卡拉嘅左塞爾階梯金字塔以南嘅地方，唔單止搵到250幾個古代棺木，而且仲喺其中一個棺木當中搵到一個紙莎草紙卷軸。冇令大家失望嘅係，呢卷長達16公尺嘅紙莎草紙卷軸，上面寫有嘅竟然係完整嘅《死者之書》，係近百年以嚟第一次發現到有完整嘅《死者之書》文物，真係一次重大嘅考古發現！
原圖嚟自網絡